Thuzui Mite' La
35. Thei sen pu von lawi bang thang sa, ciin in nuh lo bang thual ee.
Sin thu zai la khau bang sut siam, Sian in nii bang awi hen aw.
36. Tung Pasian tong dam aw ee, ciin in tuu bang ciing hen aw.
Tung Pasian leh ciin ban zaal kaih, a than' in leen tual khon' ee.
37. Thuum thuum lo aw laai zom lia nu, ciin thang in maa bang pan' ee.
Laai zom ciin leh Sian maang paai bang a kop aa, zin leeng pal bang nang hi ee.
38. Sian tawh tong kuum ahi zong in, sin laai va bang pil sa'ng ee.
Khang sawn te'n tuu bang ciing hen aw, sim lei tung ah pheek taang bang na zaak hen aw.
39. Leen laai paal lawh sei no na gual siing ve aw, ban zaal kaih siam min luun meei bang zaam hen aw.
Tuan pu pa' maa bang pat loh zaa tam gual gen, tung aa suun nii siing hen aw.
40. Pu pa' maa bang a pat loh siam bang na sin, nam cih tui bang gawm aw ee.
Nam cih za tam tui bang gawm aa, Sian in nii bang awi aw ee.
41. Sian ii siam aa luun mom no aw, na khan' kum khua sawt hen aw.
Na khan' kum khua sawt hen aw ee, na vaang in heei nuam ingh ee.
42. Sian ii von tawi luun mom no aw, zaa laai ah tong dam na leel ciing kiim hen aw.
Lung aa na tup na gual laai ah, nam cih' ciin ding a tul mawh in, zaa ta'n laai lung ah deih ee.
43. Sim lei mi zaa va bang pil na'ng, na tong dam leh Sian maang tong khak, tui bang na gawm, nam cih u um bang na kholh na.
Nam cih uum bang na kholh na sau maang nuun nuam, na phung sin thu lam bang kheng cia, liim belh zaang nii bang luun ee.
44. Luun maang laai tan' phual ngoo no aw, sim lei tung ah nam cih laai ah, na paal siing zo om lo ee.
Sian ii siam aa luun von tawi aw, se sum nam cin' lung aa na deih, siang ah tui bang tung hen aw.
45. Pu pa' pat loh Sian maang tong khak na sin thu, khua vaan nuai ah na min lawi bang thang hi ee.
Miim bang na phung laai ah ee nam cih laai ah, luun tawi heei sa tung sun nii bang taang aw ee.
46. Thang vaan aa zaal Sian zaa maang in, luun suan sin thu a hil na zaam zil zial ee.
Nam cih mi za' tui bang gawm na, ciau luum suang bang gil hen aw.
47. Luun maang von tawi Sian in khing an bang muam ee, sin thu ciin ding meel muh pian' in dang sa'ng ee.
Meel muh pian' dang tong suah gui khau bang ki zom, nam cih von tawi muan tui bang ciim na hi ee.
48. Khua vaan nuai aa maa bang pat na, ka tuai sian tong saang hi ee.
A leel sawn aa tong dam dawng te, taang gual suun nii taang bang ee.
49. Von tawi uum bang khuai dek tangh ee, suun nii leh sol kha kaal ah ee, Pau aw na min thang sa'ng ee.
Hau' tawi aa thang na sak leh ee, tung aa vaan pi dawng hi ee.
50. Sian maang awi leh zaang tui luun maang sin thu aa, tuai nih geel ki heei aw ee.
A nii zan tam ci lo aw lung zuang lo aw, hei na mun aa lia leh taang gual, na tong tui bang luang sak aw.
51. Siang lam zoong ding sen pu von leh tuai luun in, sau neu tun' inn hong zuan ta cia, leen na daai dam ding hi ee.
Von nih thum leh tuai geel tawh hoo luang ta cia, luun aw na vaang ngaai ingh ee.
52. Sian ii siam a luun heek aw ee, na than' in leen khua khon ee.
Ban zaal kaih siam gual siing aw ee, tung suun ni'n suung laai hen aw.
53. Pu pa' pat loh Sian tong dam nau bang na saan, khua vaan nuai ah na min lawi bang thang aw ee.
Miim bang na phung ii lai ah nam cih laai ah, luun tawi heei sa tung suun nii bang taang aw ee.
54. Om laai in siah khua hong kai ee, Sian maang mun ah hil ingh ee.
Hai zuu zawn pih phung leh gual in, ngoo saai bang hong sawm tah ee.
55. Luun tawi mom no na ki pat in, gual hong leel lo bei tah ee.
Na hawm siam in vaan nuai zeel ee, zaang sih laai ah zaam hi ee.
56. Sian leh luun sing bang muang ingh ee, gual laai va bang pau ingh ee.
Sian sin thu aa tong dam saang sawn, nam cih gual hawm siam ve aw.
57. Miim bang pian' pih ka phung te'n ee, Sian sin thu lung mawl ci ee.
Sian maang sin thu na nial leh phung leh gual aw, om laai mun muang ding hi cia.
58. Sing bang ka phung thal bang suanh te'n, Sian maang sin thu'n, sam gi' bang khen ding ci ee.
Sian maang sin thu'n heei ingh phung aw, khen ding laai a lawm diam aw.
59. Ka vaang nii bang hong el te phung kiim gual aw, bat phuu thaam na ka hiam aw.
Thah aa mung lo bang nong tup aw, Kei aw zaa von tawi hi'ng ee.
60. Luun sin thu va bang pil sa'ng ee, gual aa' sang lah thang zaw ee.
Gual aa' sang' lah thang zaw ee, sim lei tung ah, ngoo meei bang zaam zil zial ee.
61. Sian maang hawm siam luun tawh lung kuum, zaa laai ah min thang aw ee.
Nam cih tong dot luun tawh na ho; khua vaan nuai ah zaam aw ee.
62. Sian tong dam dawng siing vaang khua ah, phak sap mual tam kal aw ee.
Va bang pil lawi bang thang hen aw, luun tawi phual ngoo no aw ee.
63. Sin thu pian' dang khau bang na sut, luun aw na hawm siam sa'ng ee.
Luun aw na hawm tang lawm lawm ee, zaang tui taang gual sin laai va bang pil sak ee.
64. Sim lei ci' bang a mang sa sei no gual aw, tuai geel in tang bang phongh ee.
Tung thang van aa Sian in awi hen, u leh ka nau, tat na kuam in zai hen aw.
65. Liim belh ho' neem ka von lung ngaih, Sian in awi hen, a hawm lam bang tang hen aw.
Ka kiang khat tang von tawi nih thum, tuai aw siam sil bang sut lah'ng ee von aw ee.
66. Vaan nuai sin thu a liim deih man, tuai geel zaan tam taam aw ee.
Mom no te'n tuu bang ciing hen aw, tul mawh gual in gen hen aw.
67. Ka ciin a pian' dang aw ee, sin thu nam cih sut aw ee.
Sin thu nam cih sut aw ee, Sian maang tong dam dawng aw ee.
68. Luun tong dam nau bang saang tuung' te'n, kei aa' kaan saang hen ci ee.
Luun sin thu leh Sian maang tong khak, gual in nii bang awi hen aw.
69. Sing bang ka belh hau tawi ta aw, Sian tawh tong dam ciam aw ee.
Pu pa' lung lelh om laai laang in, khua cih ngoo meei bang zeel ee.
70. Luun tawi phual ngoo pian' dang gual gen, ciau luum suang bang gil hen aw.
Ciau luum suang bang gil hen aw, paal sawn gual tung tuang hen aw.
71. Nam cih za tam na khual na aw, na tong dam neem dil dial ee.
Na lau khaa leeng vaan kaai hen aw, na tong dam tuang nu sia aw.
72. Luum bang ka sun' ciin neem lia nu'n, ning aii sa'n peel ke'n ci ee.
Gual tuak khial bang ka phung laai ah, Sian giim nam ta ning ci'ng ee.
73. Sian maang tong dam nau bang ka saan, hong el leng the khuang bang ee.
Leng bang a khuan' zawh ciang in ee, a vaang loo meei bang bawm ee.
74. Sian ii tong saang luun maang aw ee, na tong suah zaam zil zial ee.
Tong na suah in siing khua khon' ee, tual khiat in a lawm lo ee.
75. Mawng neel kaai bang na nuun ah luai kei hi'ng ee, zaa tam tong dot maang aw ee.
Zaatam tongdot maang aw ee, na hawm siam zaam zil zial ee.
76. Ka zaal mang in tung khai muu bang laam ingh ee, Sian maang dawng va hoong ingh ee.
Tung ciang Sian maang dawng ka hon' ni'n, sik mul ling bang tho' sa'ng ee.
77. U leh ka nau nam cih ta'n ee, al bang man' na ding ci ee.
Lung aa ka tup Sian maang sin thu, ki tawi paal sawn laai hen aw.
78. Sian maang sin thu ka muan' man in, pu pa lau khaa thel nah bang leeng hen ci'ng ee.
Gam gui khau leh daai teng pi gua, mun in na muang ta dih aw.
79. Zaang tui luun leh vaai maang kaal ah, nam cih gual hawm siam ve aw.
Zaa luun Sian maang na hawm siam in, nam cih tui bang ciim hen aw.
80. Pu pa pat loh ka sin ni'n ee, sol kha suah dang ding sa'ng ee.
Kaan kong suak ingh Sian maang awi in, tung suun nii taang kik tah ee.
81. Khan' pian' dang ee Sian maang sin thu, pu von teng tuang nu sia'ng ee.
Gual in buan bang hong niil zong in, kum cin' aa tawi ding hi' ee.
82. Sian aw muu bang nong bawl buang in, na sawn mom no miim bang thuum teng, sim lei dal gua bang hah aw.
Nuai zin zaa tam ngoo meei bang kaai, Sian aw hen kol sut ve aw.
83. Zaang nii suak ee Sian maang taang ee, nam cih gual hawm siam ve aw.
Vaan siin nuai aa u leh ka nau, ban zaal kaih ki zawng hen aw.
84. Gual in nuih ciam hong leel zong in, kai zak lo bang heei ingh ee.
Sian maang tong dam ka saan sawn hi, gual laai ah ngoo bang langh ee.
85. Sian maang sin thu tem bang ka deih, paai tem bang kuah zaal ingh ee.
Vaai maang sau sak pian' dang nuai ah, ka min lawh ciang bang sa'ng ee.
86. Tong ka ciam pih luun tawi ka gual, gam sa bang taai kik tah ee.
Sang gah sin thu phuh bang kho ingh, Sian aang ah zaal kik ingh ee.
87. Zin leeng siah bang lut lah'ng ee, Sian mang khang sum bang bia'ng ee.
Sian maang khang sum bang ka biak aw, zaa ta'n suih sing bang suu ee.
88. Luun hawm siam aa Sian luun maang biak, taang bang dam' na ding hi ee.
Lung zuan' zaa tam daai bang theu hen, nuun nop lii bangcing hen aw.
89. Sawm sial aa biak pu pa' lau khaa, daai aa neen bang nil ingh ee.
Gual in nuih ciam hong leel zong in, kum cin' aa tawi' ding hi ee.
90. Sian maang sin thu'n diim tui tual ah, heen kol na khaai ding ci ee.
Sian maang in gaal pan en tah ee, phial va bang laam kik ingh ee.
91. Tuun lau khaa leh zua lau khaa aw, zin bang na heh bua naam aw.
Zin bang na heh bua naam aw ee, Sian maang awi aa heek hi'ng ee.
92. Tuan aa pu pa'n zin leeng bia ee, khang sawn te'n Sian maang bia ee.
Sian maang ka biak lung taai hen aw, zin leeng daai bang theu hen aw.
93. Nam cih gual nial ka ciin muu bang ngaai ingh ee, tuun nuun khum bang ka ngaih Sian luun maang aw ee.
Hoo luang neem leeng phung in sih khum bang zuan ee, luun hi'ng ci in tong dang leeng paal heu thei ee.
94. Pu pa lau khaa ka ngaih man in, tuai teng kaan kong ah kha'ng ee.
Phung luun teng leh pu pa' lau kha'n, tuai leen sawl khuh zo lo ee.
95. Loo mei kaai cii ciai nuai ah ee, Sian maang hong ziing zin tah ee.
Sian maang ziing zin ziing daai neen ah, na vaang luum bang suung ingh ee.
96. Tung aa zaal Sian maang aw ee, taang bang dam tui hong luan' aw.
Ni khat gual tawh ngau zuu laam taang bang ih kawn, luun lamh sawm sial sim hangh ee.
97. Sian maang awi aa ih hei na ding, ih tuun sum tual ih ban zaal tung nai lo ee.
Sei no taang gual ban zaal sok khau bang ki kai, zua pham thel tho dingbang ee.
98. Sian maang tong saang gual ngaih teng aw, laam bang paak lah zo ingh ee.
Laam bangpaak lah zo ingh ee, gua bang hing lah zo ingh ee.
99. Sian maang sin thu khua vaan nuai ah, a ngaai lo mi bei tah ee.
Sing cin' paal luun phial va'n bawm ee, na tong dam zaa ta'n bawm ee.
100. Luun maang sin thu Sian maang siam sil, ban zaal paak thel tawi aw ee.
Sian maang sin thu ka saan buang in, lui khau bang suut ning ci'ng ee.
101. Sian maang sin thu ka ngaih man in, phung tawh lau khaa hual mawh'ng ee.
Ka pham zong aa tung thang vaan ah, Sian aang ah zaal ding hi'ng ee.
102. Sian maang na liim beel nuai ah ee, gual tawh nuih ciam leel ingh ee.
Taang bang dam ding ka ngaih man in, gual tawh laam siam zil ingh ee.
103. Vaan siin nuai aa mi zaa siam aw, tung aa zaal Sian maang aw ee.
Lia leh taang von laai nong tan' teng, taang bang dam tui hong luan aw.
104. Sian mang lung aa ngil kei ning ee, miim bang ka pian' na hi ee.
Miim bang ka pian' na hi ee, taang bang ka khan' na hi ee.
105. Leen kum veei ee khua khen ning ci, Sian maang tong dam khak ingh ee.
Hin loo tui leh dam loo tui tawh Sian maang hong tual kum ve aw.
106. Luun maang von tawi' Sian maang tong saang, sin thu hawm aa siam aw ee.
Na seen laai aa tuun aang aa zaal. Sian in aang laai ah sia ee.
107. Sian maang sin thu khua vaan nuai ah, sak pan Teeimeei vaai khawn ee.
Tem bang deih ngoo meei bang kaai ee, khang pan khalkha kawl khawn ee.
108. Luun maang hawm siam zaam zil zial ee, tung Pasian sin thu hi ee.
Tung Pasian leh luun maang von tawi, sin laai tui bang ciim sa'ng ee.
109. Sian ii siam aa tuai teng tong leel, zaang zum dawng hoong nak hen aw.
Tuun leh zua khaa a kiak nua'n ee, tuai teng tong leel siam ve aw.
110. Thei seen sang gah ngilh na ding aa, Sian maang tong dam saang aw ee.
Ciin in lawh ciang bang hong sa'ng ee, na hawm gia bang tang hen aw.
111. Siang sawn ci' bang teel nop laai aa, pu pa' khua dawh suang aw ee.
Pu pa' dawh suang ii nuai aa ngaih tengzaal aw, zin gim nam laai hi ci ee.
112. Ciau kuam aa zaang va ham aw pian' dang sa'ng ee, sei no gual tong dang sa'ng ee.
Min luun Sian maang tong cih tun' na, hoo leh luan' teng kaai tui bang zawl nuam ingh ee.
113. Ki tawi leeng ee sei no gual aw, Sian maang tong dam khak leeng ee.
Al bang ih dah tual kia hen aw, a va hoih no dung zil leeng ee, kum cin' Sian min lo leeng ee.
114. Thang van dawng hong min luun phual ngoo, nii khat meel muu nuam ingh ee.
Na nua ciang ah na tawi' sawn teng, tung khai muu bang ki laam thei leh, mal zin bang ko' nuam ingh ee.
115. Sen tawi nop paak pa aw ee, zuun nop Sian sin thu aw ee.
Pu pa' khan' zin leeng tual khiat na, thang vaan loo meii bang kaai ci ee, meel muh loh Sian maang aw ee.
116. Zin sin thu leh Sian' sin thu aw, koi sawn nuun gim naam hiam aw.
Pu pa' khan' aa khaa ih kiak na, zin leeng sul ah pham ci ee.
117. Pu pa' khan' aa nuun eng zaang nii, tung Pasian' laai tan' hi ee.
Sim lei thang van kum ciam sol kha, pham mawh aa laai tan' hi ee.
118. Sian dawh aii leh zin dawh aii aw, kua sawn gia bang tang hiam aw.
Zin dawh aii sim lei kuul luh ee, Sian dawh aii tang zaw ci ee.
119. Kha kiak lau khaa u leh ka nau, zin tawh sin thu ciam ci ee.
Hong ki dongh vua sei no gual aw, tat na thal bang tang leeng ee.
120. Lun aw maa bang na ki pat in, sin thu lui khau bang nok ee.
Gual tawh tong ciam na hiam aw ee, na than' mual tam kal sa'ng ee.
121. Ka seen laai aa tuun aang aa zaal, khun' laan khang thei lo mawh'ng ee.
Hong ki aam vua lia leh taang aw, mom no ki tawi' na'n pha ee.
122. Siingtawi pat puan bang neem hiam aw, zaa luun maang tong khak leeng ee.
Sian mang tong dam khak thei hi leeng, u leh ka nau zin tawh hoo khen nuam ingh ee.
123. Hong ki dongh vua phung leh gual aw, khaa ih kiak pal lua sa'ng ee.
Sian maang hawm siam lam bang tang sa, zin sin thu tawh gawm hangh ee.
124. Al bang dah tuun in huai lo ee, gual aw phung khen' ih hiam aw.
Sian maang sin thu vaan laai aa kia, dit in neen bang niil sa'ng ee.
125. Sian maang dawng hoong mi za leel sa, siing ta phuan cil dawl aw ee.
Sawm sial aa biak kung tung zin leeng, gual in buan bang a niil hiam aw, tual khiat in a lawm lo ee.
126. Sian maang sin thu pian' cil kawi te'n, phung min lawh sial' bang' hen aw.
Tem bang deih luat uum bang khuai leeng, nuai ah tual kia ding hi ee.
127. Sim lei tual tuan zaa ta leel ding, tuai luun in maa bang pan' ee.
Tung thang vaan aa Sian zaai leel siam, a tong tui bang hong luang suk aa, sim lei tual lum' na hi ee.
128. Zaa ta liim suun Sian luun maang aw, na tung ah tuang om lo ee.
Lung muang mawh'ng ee tuai mom no in, Sian tong tui bang zeek thei ee.
129. Pu pa' khan' zil no aw ee, von laai lak ki tawi aw ee.
Tuun leh na zua' meel muh loh aa, von aw laai ah na sa'ng ee.
130. Zin leeng sang bang nawh na ding aa, Suk tui zua pa'n, Sian maang tong ka saang ci ee.
Kung hul aa biak zin leeng za tam, tu in haam taang bang thot ee.
131. Suan khan' khuam sing bang a laih na, luun tawi' sin thu'n nam cih khai' bang zang' sak ee.
Kaih tam zin leeng pal bang nan' na, liim belh Sian leh luun tawi' Laipianpa hi ee.
132. Nuun bang nop na pian' dang min thang, zaa ta lung deih al bang mang mawh ding hi ee.
Luun tawi' sin thu Sian maang huai in, veei sawt laai lung ah giah'ng ee.
133. Pu pa' gam zaang dawh aii tam ee, zin leeng' tual om' na'n nei ee.
Sian maang tawh tong dam ciam ingh ee, zin leeng vaang khua suan ingh ee.
134. Zin aw heen kol nong bulh sawm see, Sian aang ah zaal sa' hi'ng ee.
Sian aang ah zaal sa' hi'ng ee, khua kiim in tem bang deih ee.
135. Khua deih aa khua ka sat aw ee, Sian in buan bang niil tah ee.
Sumh luu tul kung ah suang ci aa, Sian tawh kop in tul ta nau bang sial' ingh ee.
136. Pu pa' nial lah mual min zil ding, Sian tawh tong dam ciam ing hee.
Zin leeng buan bang niil zo tangh ee, Sian in luum bang suung tah ee.
137. Pu pa' khan' puan bang ih laih na, ei' khan' puan bang thak tah ee.
Zin leeng see taang ih laih na ding, Sian mang mun ki hil ingh ee.
138. Pu pa' dawh aii tam lawm lawm ee, Sian aw na tong saang ingh ee.
Zin leeng puak sing bang lel tangh ee, Sian tawh kop in nuai sia'ng ee.
139. Tung Pasian leh zaapi luun aw, na hawm siam tuu bang ciing ingh ee, luun in mal bang hong koo ee.
Luun aw mal bang nong koh nii a thaai leh na von nau bang kap sa, mun aa muang sak kik ingh ee.
140. Pu pa'n siah khuang a kaih na hi, Sian maang tawh tong ciam thei cia.
Sian maang tawh tong dam ciam thei cia, luum bang hong suung siam ve cia.
141. Sian tong saang thei von luun nih thum, sin laai tui bang ciim sa veng ee, tongdam zawi kaih siam sa'ng ee.
Kum sawt lo bang hing peuh ve vua, nuai zin leeng taai nga' seh thei te, mi cih tong dot ding hi ee.
142. Vaang khua nih geel khua tuu tawm ah, Sian maang na hawm ngaai ingh ee.
Sian maang na hawm ngaai ingh ee, luun aw na hawm siam ve cia.
143. Tung thang vaan aa liim belh maang zaa ta luum suun, na vaang in heei nuam ingh ee.
Se sum sawm sial lamh tam cing lah'ng, Sian maang hawm siam ngaai ingh ee.
144. Ka kaan kong san singh sengh ee Sian na gam zaang, zin aw hong neek kha na cia. Zin aw hong neek kha na cia, Sian maang khuai bang haang hi ee.
145. Zaang sih vaang khua zin leeng biak na, kawm pal tung ah ciang ingh ee.
Suk tui luun tawh tong ka ciam aa, zin leeng pawh heh huai sa'ng ee.
146. Sian' hawm sin thu tui bang siang ci, phak sap aa zaal mal bang ko' tangh, taang bang dam' na'n lawm sa'ng ee.
Taang bang dam ding ka ngaih man in, phung tawh lo aa, kei aw hei na dang ingh ee.
147. Tong dam taang bang theh na ding aa, Sian tong dam hong luang suk ee.
Pian' na tung suun nii bang ee, tawi' sawn in khau bang zom ee.
148. Daai neen aa zaal gual ngaih teng aw, na vaang khua phung cing sa'ng ee.
Pian' dang sim na ciau lui luum suang, vaang la phual ngoo laam bang ee.
149. Pu Von na pham lung sit lo aw, Sian maang khua mual na suah ciang in, zin leeng nawh na, haan zaai na sa ding hi ee.
Sian maang in tong dam hong dot leh, na tuu suanh teng hong ci aw.
150. Khua kiim aa thang a deih lo te'n, pian' tum dang heek hong ci ee.
Pian' tum dang heek hong ci ee, Sian maang a sin thu hi ee.
151. Tu aa mi pau zaa ta tong pau, mi luun tong pau te in ee, Sian maang a tawi tuam ci ee.
Sian maang ei' tawi tuam hi lo aa, Sian maang sin thu thel nah leeng bang, pian' dang a tawi' tuam hi ee tong dam hi ee.
152. Tuan aa pu pa a khan' laai in, zin leeng luun maang hi ci ee.
Sian tawh paai bang ka ki kop aa, nuai siah zin leeng hi ci'ng ee.
153. Sian maang va bang pil lawm lawm ee, suun nii leh sol kha a bawl vaan nuai taan ee.
A kum luai bang a vei' sak na'n, sol kha pham sa gua bang hing sak zel hi e.
154. Luun sin thu leh Sian mang sin thu, siah bang dem zo om lo ee.
Luun sin thu leh Sian sin thu in, nam cih gual ki heei hangh ee.
155. Hong huai ve aw Sian luun maang aw, na hawm sin thu ngaai ingh ee.
Na hawm sin thu ngaai ingh ee, pham mawh na'n tong khak ve aw.
156. Nam cih za tam sa bang tat na'ng, Sian in suun nii suung hi ee.
Sian in suun nii suung hi ee, sim lei hong taang singh sengh ee.
157. Nuai sim lei aa zin leeng kaih tam, Sian in beel bang suan hi ee.
Sim lei leh thang vaan kaal ah ee, Sian maang na min thang sa'ng ee.
158. Zin leeng kaih tam siah bang dem' na'ng, Sian maang in, zua tawh sin thu ciam sak ee.
Sian in an bang hong it man in, nuai zin kaih tam zua in neen bang niil hi ee.
159. Sim lei nam cih hong khual na'n tung Sian maang in, zua mun tong dam khak hi ee.
Sian maang tong khak saang thei hi leeng, khua vaan nuai aw, thang van nuun nuam tuang ih tun' na ding hi ee.
160. Tuan aa pu pa zin leeng huang khum, kua in kaan kong hoong hiam aw.
Sian in an bang hong it man in, sim lei nam cih zua luun kaan kong hoong sak ee.
161. Sian in zua mun tong dam khak ee, sin thu geel cing tuu bang ciin na'ng, ban zaal paak sil tawi sak ee.
Sian tong dam leh siam sil neel zuun, khua vaan nuai' nau bang sang thei leeng, Zoo gam ki tawi ding hi ee.
162. Saang sawn aa Sian maang min ih lawh, lau khaa taang bang dam na ding in, gam miim va bang thuum hangh ee.
Pham nua lau khaa mun aa muang ding, ih hawm lam bang tang sak hen aw, zoo lei taang bang dam leeng ee.
163. Ham bang huai ding om lo ee, Laipian Sian maang aw ci'ng ee.
Sian min luun paak bang ih tawi' sei no gual aw, taang bang dam' na ding hi ee.
164. Sian maang sin thu lung aa ka muan, taang bang dam' na ding hi ee.
Sim lei tung tuang nung ka siat ciang, ka lau kha'n, Sian maang tuang lam zui hen aw.
165. Pu pa pat loh siam bang ka sin, Sian in ham bang huai hen aw.
Sian maang sin thu a muang lo te, zin siang ah tuang tung hen aw.
166. Thei seen sang gah ka ngilh na ding, Sian hawm siam zaam zil zial ee.
Sian hawm siam zaam zil zial ee, khua kiim gual tawh, siam bang sin khawm nuam ingh ee.
167. Tuun sung miim bang ka pian' pih Sian maang sin thu, duang ah sawl bang baang ingh ee.
Duang ah sawl bang baang ingh ee sei no gual aw, Siang sawn tuang lam tun' na ding gia bang zom vua.
168. A mi za tam tui bang gawm na, Sian tong dam neem dil dial ee.
Sian maang tong dam gui bang a zaam, kum sawt tuu bang ciing leeng ee.
169. Sim lei tung aa na von tawi teng, gua bang hah aw, taang bang dam tui hong luan aw.
Tung thang van aa liim belh na sau, na vaang taang tung nuam ungh ee.
170. Tung thang van aa Sian maang gam nuam, a ngaai lo mi om diam aw.
Dam tui sikh bang dawn kiim ciat vua, Sian maang tuang lam zui kiim ciat leeng, Siang sawn Sian aang tung leeng ee.
171. Khaa ih kiak ni'n u leh ka nau, kua sawn nuun gim naam hiam aw.
Lung aa ih tup Sian maang sin thu, ciam peel zaang nii suak lo ee.