PAAINA LA-I
1. Lung ka gim na Sian in hong phel aa, thang van hin' tui hong luan aa.
2. Sian dawh aii taang bang pha ee, pham ding thel bang hong phongh aw.
3. Lung ih tup bel Sian maang aw, sim lei tuu bang suan ve aw.
4. Khan' kum sawt aa tuan gen ding, pham mawh hin' tui hong luan aw.
5. Pham mawh hin' tui hong luan aw Sian aw, gua bang hin' na ding hi ee.
6. Lung ih kham na kua'n hong phel, tung aa Sian maang ahi ee.
7. Tung aa maang lian Sian maang aw, cik mah hun aa khia lo ding.
8. Ih nuai om laai a laan leh , tung aa Sian maang ih ko' ding.
9. Tung aa Sian maang tong ko' in, von tawi ham bang huai hen aw.
10. Sian maang liim ah ka khawl ee, zin hong el lo bei tah ee.
11. Hong saai zin leeng za tam ee, Sian in ham bang huai ve aw.
12. Awi in Sian mang ka ko' aa, zin leeng pal bang nang hi ee.
13. A nuam bel in kua' siang nuam, Sian maang mun mah nuam bel ee.
14. Sian sin thu taang bang pha ee, hin loo dam loo tawi hi ee.
15. Hin loo dam loo na tawi thang, paai tem bang kuah nuam ingh ee.
PAAINA LA-II
1. Lung ih kham na tual ah khia'ng, Sian maang lam mah a nuam ee.
2. Sian maang lam mah a nuam ee, Sian in hin loo tui luan ee.
3. Lung ih gim na a bei aa, Sian maang aang ah ka zaal ee.
4. Sian maang aang ah ka zaal aa, lung ka muan' na tam sa'ng ee.
5. Lung ka muan' na a om aa, Siang sawn dam tui kadawn ee.
6. Za lun Sian maang na dawh aii, nii pi nii khuang thu hi ee.
7. Nii pi nii khuang na tawi thang, leen puan bang kawm nuam ingh ee.
8. Nii pi nii khuang na dawh aii, pham mawh hin tui hong luan aw.
9. Thang van hin loo na tawi thang, pham mawh dam tui hong luan aw.
10. Vaan nuai tong dot Sian maang aw, lung aa ka ngaih bel hi ee.
11. Om laai lung lelh tual khiat na, tung aa Sian maang ahi ee.
12. Lung aa ngaai lo a om leh, lung aa muan' na om lo ee.
13. Lung ka muan' dang a om lo, tung aa Sian maang muang ingh ee.
14. Pham ding ci aa thel bang hong phongh, tung aa Sian maang ahi ee.
15. Lung ka ngaih bel Sian maang in, paak pa bang hong tawi tah ee.
16. Lung ka ngaih bel Sian maang aw, khan' kum sawt aa khia lo ding.
17. Sian leh Nii Khaa Vaan leh Lei, a om laai in tawp lo ding.
18. Sian maang tuang lam nih in ka, a pha lam zaw zui leeng ee.
19. A pha lam zaw zui thei leng, hin loo om na meel mu leeng.
PAAINA LA-III
1. Sian tong dam taang bang pha ee, sim lei thang van a zeel ee.
2. Sian hawm siam neem dil dial ee, khua vaan nuai aang ah sia ee.
3. Sim lei nam cih a pian' na, tung aa Sian maang a hi ee.
4. A min lian bel Sian maang lian, sim lei mi za' a pian' na.
5. Sian dawh aii taang bang pha ee, hin loo dam loo tawi hi ee.
6. Taang bang dam na kua' bawl hiam, tung aa Sian maang ahi ee.
7. Sian aw ee, thang vaan na zilh za' tung pan, von tawi ham bang na huai na.
8. Sian maang na hawm a siam aa, vaan nuai nam cih na khual na.
9. Vaan nuai nam cih na khual na, sun nii taang sak Nang hi cia.
10. Sun nii taang sak Nang hi cia, thul guah luang sak Nang hi cia.
11. Sian maang a hawm a siam aa, sim lei thang van a dawh tamm.
12. Sim lei a dawh tamm tung pan, mi cih sa cih a pian' na.
13. Sian maang tawi thang a pha aa, hin loo dam loo tawi hi ee.
14. Vaan nuai taan sun nii aw ee, mi za' siam Sian maang aw ee.
15. Mi za' siam Sian maang aw ee, kum sawt ngilh loh ding aw ee.